ولو الوقت مش وقت كورة جملة ولكن اللي نسمع فيه ونشوف فيه في البرامج الرياضية خلى لساني ما يهنينيش.
أولا : الإيراني شاه مرادي وكيل أعمال كيروش اللي يتجبّد توة على جامعتنا حفى وهو يكلم في وديع الجريء ربي يفرج عليه ووجدي العوادي الكاتب العام حتى ولاو ما عادش يهزو عليه التلفون، يحب يدرب تونس (ويحب يعيش فيها) منذ مغادرته ايران اثر مونديال 2018، واخر محاولة له كانت قبل مونديال قطر 2022 قبل ان يدبر شاه مرادي “تكربيسة” لمدرب إيران ويرجع كيروش للعب المونديال (لعب 7 مباريات بين مونديال ووديات خسر 3 وتعادل واحدة).
ثانيا : تنحى من منتخب قطر رغم عقده الكبير لان علاقته باللاعبين ساءت لمعاملته الزفت (موش صرامة) وقيل إنه كبر إلى درجة انه صار ينسى الاسماء والمباريات وكثير الامور ويعول في عمله على مساعديه وهم كثر.
ثالثا : السيد لانه لم يعد قادرا على التدريب اشترط على تونس جلب 5 مساعدين ثم خفض العدد الى 3 المهم نقبلو … ومقابل كم ؟ 1.5 مليون يورو في السنة في بلاد ماعندهاش ملعب يصلح !!!
رابعا : تتكلمو على واحد ما تعرفوهش مش مشكل لكن شوفو موقع transfermarkt المشهور والمفتوح للجميع وشوفو الأرقام : السيد منذ اقالته من قطر في 6ديسمبر 2023 بلا ناد ولا منتخب.
السيد اسم كبير وعالمي نعم .. كان مساعدا لفيرغسون نعم .. درب ريال مدريد في الغالاكتيكوس نعم … لكنه الٱن اسم فقط !!
شوفو احصائياته في اخر تجاربه (الرابط في التعليق الاول) : مطرود من كولومبيا بعد 9 انتصارات فقط من 18 مباراة مقابل 5 هزائم اخرها 6-1 امام اكوادور … مع منتخب مصر ومع جيل ذهبي حقيقي ضيع اللقب الافريقي وضيع التاهل الى المونديال .. مع العودة لايران 3 انتصارات في 7 مباريات .. مع قطر اللي دربها وهي بطلة آسيا 4 هزائم في 10 مباريات … ثم بطال من وقتها !!!
المهم هذا المدرب ووكيل أعماله المافيوزي : ماكينة فلوس فقط ما عنده ما يضيف لنا … هذا اذا مازال يتذكر اللي أحنا تونس : لا عنا فلوس ولا نجوم …
ألا هل بلغت ؟ اللهم فاشهد !!
